Suab Hmong Broadcasting

Switch to desktop Register Login

Suab Hmong Broadcasting, The communication sources for Hmong worldwide

TOS KOM TAU

 

 Waiting_For_You.jpg waiting for you image by 1mery

TOS KOM TAU NTSIB NWS

 

Hmo no kuv ntsia saum ntuj tsis pom kuv nploojsiab hlub

Tus kab hlub uas chob ntsia rawv kuv lub plawv

Kuv thiaj li sawv ntawm vajpaj uas qhov chaw wb sib teem

Sawv nrhuj nrheem tig mus saib sab nws nyob

Hnov nws lub suab quaj chob kuv nruab siab kom nco ntsoov wb txoj kev hlub

Yuav tsis muaj hnub nws hloov siab ntawm kuv mus li

Nws tej lus ntxhi tseem nco ntsoov nyob rau nruab siab

Tias yeej koom ib nplooj siab koom ib lub cev

Tshuav tsis ntev wb yuav sib sau ua ib lub neej

Ib tug yeej tsis xyeej ib tug tsis hais muaj los pluag

Txawm ciaj tuag los wb yuav sib sau kom tau nyob ua ib ke

Nws tej lus de tseem ntsia ntsees kuv lub siab

Txawm tus tshiab los kuv yuav tsis nrhiav

Yuav khi kuv txoj siav tos nws ib leeg

Vim wb siab sib ntseeg thiab tau cog lus

Tias yuav tsis ncaim mus qhov twg li

Nws tej lus ntxhi sawv nraim kuv nruab plawv

Kuv yeej yuav sawv ntawm thaj chaw no

Txhua hmo tos kom tau ntsib nws

Vim lub siab ntsws yeej hlub nws ib leeg xwb mog me leejnus

-Nkaujhuabcua

 

Web Soft

© 2000 - 2014 Suab Hmong International Broadcasting Communications. All rights reserved.

Top Desktop version