Suab Hmong Broadcasting

Switch to desktop Register Login

Suab Hmong Broadcasting, The communication sources for Hmong worldwide

Sim Hawm Yuav Tsis Tos WB

Nyob yuav tau muaj ib xyoo no tos koj lawm, saib txhua txoj kev saib koj puas yuav tso los tos kuv mus ua koj ib leeg li los koj tsis nrhiav kuv lawm es kuv xav hais tias tej zawm kuv yuav tau ua ib siab ncaim koj mus tiag tiag li os tus hlub.

Kuv me nploojsiab kuv nco koj ua hnub ua hmo, pws los pws tsis tau ib leeg lawm...pws npau suav los twb tsis pom koj los ze li lawm thiab...tusiab hais tias wb txoj kev hlub los sau li no es tsis pom qab hais li cas rau koj es koj txhob tusiab rau kuv vim tias wb daim ntawv los ua txij nkaws los txog li no es yuav tau nyias mus nyias...

 Koj mus nrhiav kom tau tus hlub koj tshaj kuv es thiaj li tsis tso koj nyob nrog lub kuamuag li kuv no nawb... thiab kom nws txhob ncaim koj li kuv no...kuv thov txim hais tias kuv tau ua txhua yam rau koj tusiab...kuv ua zoo npaum li cas rau koj los zoo li koj tsis paub zoo siab nrog kuv ua neej li es nrhiav tag zog ...Es kuv thiaj li saib txoj kev lwj siab no los rau wb taug...

 Koj hais kom kuv txhob tusiab rau koj yam tag los...kuv tsis tusiab ib zaug...kuv zoo siab hais tias tiam no kuv tau los ntsib koj thiab ua koj tug ib ntu es kuv yuav nco ntsoov koj txoj kev hlub thiab txoj kev pab mus tag ib sim neej...yog tias nrhiav tsis tau leej twg los kuv yeej yuav nyob nrog kuv cov menyuam lawm xwb...yog tias muaj txoj hmoov tau tus zoo los hlub kuv thiab no tej zawm kuv yuav hnov qab koj zuj zuj mus li koj hnov qab kuv thiab...ib sim neej tsis tau los txog los wb twb nyias nyob nyias ib tus tsis tuag los tau nyob ib leeg li no tsaus ntuj nti lawm os tus hlub as...

Kuv xav hais rau koj tias tsis paub kuv yuav nco thiab hlub koj mus txog thaum twg es mam li tsis seev koj lub me npe lawm os tus hlub...thaum koj noj qab nab zoo thiab koj nyob luagntxhi no los thov nco ntsoov tias koj tus me hlub no nyob ntsuag nog heev nrog lub kuamuag lwj siab...noj tsis qab nab tsis zoo li yam tag los lawm...khauv xim yus lub neej npaum li cas los koj tsis nrog kuv khauv xim ces yuav ua ib siab ncaim koj mus lawm tiag tiag...

kuv hlub koj heev li sau npaum cas los sau nrog lub kuamuag rau koj xwb es koj saib daim ntawv no thiab los thov nco kuv me me os mog!

 

Web Soft

© 2000 - 2014 Suab Hmong International Broadcasting Communications. All rights reserved.

Top Desktop version